الكلام الفـــــارغ

الكلام الفارغ 

تعرضت ذلك الاسبوع الى العديد من المواقف التي جعلت اذني تسمع كميه هائله من الكلام الفارغ - هما بيقولو عليه كده - لا اعلم لماذا يطلقو عليه كلام فارغ ولكن كل ما اعلمه جيدا انه كلام يقال لكي يخدش الحياء او انه يدعي لشهوه ما  ... علشان كده سموه كلام فارغ .... المهم اننا اكيد كلنا بنتعرض لكلام فارغ يعني انت ممكن تتجنبه وحياتك هتمشي عادي جدا من غير اي مشكله مفيش واحد مننا ما اتعرضش لكلام فارغ وسعات بتصده وسعات بتسمعه وسعات بتجبر انك تسمعه ايا كانت الطريقه المهم ان انت عارف وانا بكلمك دلوقتي ايه هو الكلام الفارغ اللي بيتقال وخد بالك انا مليش دعوه باي حاجه مش كويسه او ابيحه تيجي في راسك لقدر الله ما تشيلنيش ذنبك كفايه الذنوب اللي انا شايلاها الله يكرمكم ... بس لما قعدت افكر وجمعت كمية الكلام الفارغ اللي انا اتعرضتله الاسبوع ده لقيت بجد انه كميه مكثفه تفوق الاحتمال او جايز علشان بقالي كتير مسمعتوش وهنا كان مربط الفرس ان كل الكلام الفارغ قرر يجي بطريقه مكثفه وقالي يلا علشان متكونيش محرومه من حاجه مش مهم سمعت ايه او مين اللي قال المهم ان انت كانسان سعات بتسمع كلام مش بتعرف تصده واحيانا كمان في كلام بتكون انت نفسك تسمعه اصلا وبالتالي بيكون رد فعلك مش قوي للرد على الكلام ده ...

 وده اكيد هيدي اللي قدامك فرصه من الاتنين : 

1. انه يتاكد ان انت انسان فعلا وعادي جدا اننا تمر علينا اللحظات دي 

2. الحل التاني وهو اللي بيمشي هنا في مصرنا الحبيبه انه يستمر في كلامه ومن جواه عارف انك بتحب تسمع الكلام الفارغ بدليل انك معملتش ردع قوي للموضوع 

وتكون للنتيجه >>>> انك انسان مش كويس وبتحب قلة الادب او الكلام الفرغ لا سمح الله 

 ايا كانت النتيجه لازم تكون واثق ان في كلام فارغ مقبول وكلام فارغ مش مقبول طبعا انت بتبتسم دلوقتي وتقولي ازاي بقى يا فقيقه ؟؟  ما هو كله  كلام فارغ ؟؟ اقولك لا يا حبوب الكلام الفارغ المقبول هو ان انت تكون بتتكلم مع حد ويحكيلك على حاجه وهو متعصب ويقعد يشتم ويسب ويلعن فانت بتسمع الكلام الفارغ وتستقبله عادي اما بقى الكلام الفارغ اللي مش مقبول زي ما حد يتحرش بيك لفظيا ومتفهمش غلط لفظيا بس انا بتكلم على الكلام مدخلتش في حاجه تانيه زي انه يقولك كلام سافل يضايقك او انه يحكيلك على حاجه مش كويسه ملهاش لازمه تتحكى او انه بيحاول يجرك لحاجه انت ممكن تكون مش عايزها او عايزها بس بتستعبط المهم انه كله كلام فارغ واحيانا احنا بنحبه ما هو اصل احنا بني ادمين مفيش كلام 

وفي اخرة كلامي احب اقولكم اوعو تشتمو او تقولو اي كلام فارغ في حقي لان انا متاكده اني بتكلم صح وكل انسان قرا الكلام ده دار في دماغه الكلام الفارغ اللي اتعرض له والاشخاص اللي قالو الكلام الفارغ ده مساءكم او صباحكم خالي من الكلام الفارغ والذي منه اوعو تزعلو من كلامي اصل انا بكتب كلام فارغ

الشعور بالرفـــــــــض

الشعور بالرفض شعور قد يكون بدون اسباب وقد يكون لاسباب ولكنها غير مرئيه وواضحه بالنسبه اليك فاحساسك بالرفض يجعلك ترفض من حولك وترفض كل التصرفات وتحاول اعاده الافعال التى تشعرك بالمتعه عندما تحاول العوده اليها لكي تشعر بمتعه ولكنك للاسف يقابلك الرفض تجري يمينا او يسارا بحثا على شئ يشعرك بالرضا فلا تجد ســــــوى الرفض 

ترفض الحديث مع الاخرين 

ترفض الــواقع المعـــــــاش 

ترفـــــض اهـــــــــــــــــلك 

ترفـــــــــــض عمــــــــــلك

 ترفــــــــــض حيـــــــــاتك 

وتـــــــــرفض نفســــــــــك 

وتصل لمرحله انك تريد ان تموت فاحساسك بالرفض يجعلك تتقبل شئ واحدا فقط حتى ان لم تكن مستعد له فهو الموت نعم انك ترفض حياتك كلها بمافيها بحلوها بمرها لتصل لاحساس واحد فقط انك تتقبل الموت كنهايه طبيعيه لكل كائن حي وتريد فجاه ان تستعجل تلك النهايه فكنت دائما اعلم ان قوة رفضك للاشياء وانت في امس الحاجه اليها يجعلك دائما في موقع الرضا عن الذات ولكنك عندما ترفض الذات نفسها ولا تتقبلها فان التقبل الوحيد الذي تريده هو المـــــــــــوت

اتجنــــــــــــــــــــن

لما يكون حد بيعشق الجنــــــــــــــان يبقى انا واعوذ بالله من قولة انــــــــــــــــا 

يوم جديد باسم اتجنن ... الجنان في انك تدور على الغير مالوف والجنان انك تحاول تسعد ناس متعرفهاش ... في ناس بتشوفها جنان وناس بتشوفها انسانيه 

لكن ::
- الجنان انك تمشي في الشارع ويبقى معاك جاكيت انت مش محتاجله وتقرر انــك اول  واحد غلبان هتقابله هتديهوله #‏اتجنن

- الجنان انك تجيب اكل ليك بس وانت بتجيبه واخد قرار انك هتقسمه مع حد ولما يجيلك الفرصه انك تقسمه تتخلى عنه كله وانت شبعان #‏اتجنن‬

-  شجـــــــــــع ناس محتاجه لتشجيع وارسم ضحكه على وشوشهم ‫#‏اتجنن‬

- انك تكون واقف مع واحد صاحبك في بلكونة بيتكم او واقفه مع صاحبتك في بلكونه جيبو شيكولاتات صغيره واي حد معدي اندهوله من فوق واحدفله شيكولاته #‏اتجنن

- لو طفل ماشي مع مامته وبيعيط وانت وقفتها علشان تهديه وتلاعبه ‫#‏اتجنن

- ‫#‏اتجنن  يعني تعمل حاجه جديده ... مش شرط تكون جديده بالنسبه للناس لكن المهم انها تكون حاجه جديده بالنسبالك انت 

 #‏اتجنن  يعني متخليش احراجك يقلقك .. #‏اتجنن  يعني فاجئ نفسك .. #‏اتجنن  يعني انك تحب الجنان وتفضل تكرر كل شويه فكره مجنــــــــــونه #‏اتجنن 



#‏اتجنـــــــــــــــــــــــــــــــــــــــــــــــــــــن
 

المراه المصريه ليست كائن ماسوشي

ساديه الرجل في مجتمعنا المصري جعله يعتقد ان المراه كائن ماسوشي والماسوشيه هي الشعور باللذه عند القسوه والعذاب .. لا اعلم اي عقول هذه التي تجعل من المراه مجرد اداه يستخدمها الرجل كما يشاء ويفعل بها ما يشاء واي فتاوى تلك التى تظهر ويقال فيها ان المراه تستخدم لاغراض معينه فقط ... وليس لها اي دور اخر ... تلك المراه التى كرمها الله سبحانه وتعالى من يعطيك الحق كانسان مخلوق مثلك مثلها ان تعطي لنفسك حقوق ولا تعطيها لغيرك .. كما ان الام (المراه) وضع الله الجنه تحت اقدامها فباي اثبات تتحدثون ان لها في الدنيا اغراض محدده تستخدم فيها

فهذا يستغل مالها وهذا يستغل جمالها وهذا يستغل مشاعرها .. الخ والعديد من الاستغلالات التى تظهر في مجتمعنا الرجولي السادي ... الذي يظهر احيانا انه مناصر لحقوق المراه .. اي حق يعطى لاب ان يضرب ابنته وهي ملقاه على الارض بين الحياة والموت لمجرد انه علم انها تتحدث الى شاب في التليفون ويسرع بالقول (أحسن دي هتجبلنا العار ) أي ثقافه تلك التى تعيش فيها ايها الرجل .. واي حق ذلك الذي يعطى لان تقام جرائم بشعه لبنات في سن الطفولة ... لا اعلم اي ثقافة تتحدث عن ذلك واي دين يتحدث عن ذلك ... سادية المجتمع جعلت من بعض الرجـــال ذئاب ينهشون في لحم المراه بكل اعمارها ولا يشعرون بذرة الم ... فتلك هي صفاتهم التى نشأو عليها

ولكن ما اود ان اقوله ان المراه مخلوق قوي وقد يكون اقوى من الرجل .. ولكنها تتمثل بالصبر والتحمل وهذا ما جعل افكارهم المريضه تعتقد ان المراه كائن ماسوشي يحب التعذيب .. ومن الامور التى تؤكد ذلك ان المراه تصبـــر الى اقصى حد وعندما ينفذ صبرها فانك لن تسطيع تحمل ما ستفعله بك بما يدل انها تمثل العفو عند المقدره فحذارى يا معشر الرجال ان تستهونوا بالمراه وخاصة المراه المصريه لان على قوة صبرها فانها تسطيع ان تفعل اقوى من ذلك الصبر بدرجه لا متناهيه

عشق التناقض

 
نحن شعب يعشق التناقض في كل مجالات الحياة هسألك سؤال . جربت مره تاكل شيبسي وشيكولاته في نفس الوقت ؟ طيب جربت تاكل جبنه قديمه مع حلاوه ؟ اكيد جربت تاكل حاجتين متناقضتين ولو مره واحده حادق وحلو ... التناقض بيظهر مش بس في الاكل ده في كل حاجه في حياتنا واقرب مثال بص للعلم اللي احنا بنعشق شكله ... وبيديك احساس بحبك لوطنك بشكل ملوش اي تفسير تاملت العلم مره ولقيته متناقض ايوه متناقض بص على اللون الاسود والابيض ول لونين ليهم نكهه خاصه ولو بصيت من جانب تاني هتلاقي الالوان في الاحمر والاصفر في النسر شايف التناقض من ابيض واسود والوان ... كنا زمان بناخد في البلاغه ان التضاد يزيد المعنى جمالا ووضوحا ونفس الكلام في حياتنا في حاجات كتير حوالينا متناقضة بتزيد الموقف جمالا ووضوحا ... زي الراجل العجوز اللي الطفل بيعديه في الشارع تضاد رهيب طفل وكهل .. صحه ومرض ... كبير وصغير ...
فالتناقض او التضاد شئ خلقه الله سبحانه وتعالى حولنا فعندما تنظر لاعلى تجد السماء وعندما تنظر لاسفل تجد الارض وكلاهما يعطي لنا خليط يسمى الكون ويتكون من متناقضين كما ان هناك اليابس والماء فاذا تاملنا اليابس وجدنا الصحراء والارض الخضراء واذا تاملنا الماء وجدنا المياه العذباء والمالحه .. فنحن محاطون بالتناقضات فكيف لك ان تعيش بدون تناقض وتضاد .. فبداخلك شخص طيب واحيانا شرير كمان بداخلك مشاعر الحزن والفرح فكلها متناقضات تبرز المعني وتزيده وضوحا فلولا وجود ذلك التناقض في حياتنا لما استمتعنا بها ... لولا وجود الضًراء لما عرفنا طعم السًراء ولولا وجود الموت لما عرفنا طعم للحياه

يوم من حياة عفريت

في يوم من الايام قرر العفريت يطلع فوق الارض يقرف البشر اللي عاملين دوشه طول النهار والليل وخاصة الليل لان ده الوقت اللي هو بيعيش فيه ... قال انا هطلع اقرف في البشر اللي قارفني دول ومادام هما بيزعجوني في وقت شغلي وعملي انا هطلعلهم من النهار وازهقهم .

وظبط شنطته وطلع لرحلة الى البشر واخذ عدته معاه من وسوسة _ وشر _سرقه_ وكذب ... وحاجات كتير من ادوات العفاريت .. طلع من بعد الفجر علشان يدور على البشر ويضايقهم .. بدا السير في الارض وينظر لاحد لكي يستخدم معه اول اداه وهي الوسوسه .. نظر الى الاناس الذي امامه وجد منهم من يجلس على القهوه ويشرب الشيشه كاصطباحه .. سار قدما الى الامام وجد اناس تذكر العديد من الشتائم لما تواجهه يوميا من مشكلات وعدم القدره على المعيشه .. فتحدث مع نفسه لالاان الوسوسه لا تصلح معهم فهم موسوسون طبيعيا ولا يحتاجون للمزيد .. قرر ان يدخل مصلحه حكوميه لينشر فيها الشر والخلافات واول ما وضع قدمه في المكان وجد اناس يصرخون في وجوه بعض لاسباب غير معروفه مجرد انهم اصبحو لا يطيقون بعض .. تركهم وسار في طريقة .. وجد اناس كل منهم يفكر في اذية الاخر ويستهلك العديد من الافكار للوصول لاقصى اذية للشخص الذي امامه .. ظل يسير في جميع المكاتب وجد ان الشر موجود بطبيعته بين البشر .. قرر ليستخدم اداه اقوى بان يخرج ويجعل من امامه يسرق فسار في الشوارع وجد رجل صاحب محل خضار فاخذ يتابعه وجده يسرق من يشترون منه ببيع المنتجات باسعار مرتفعه ثم نظر الى فرد يشتري الخضار فوجده مدرس تابعه فوجده يسرق التلاميذ من خلال الدروس فتركه وتتبع تلميذ فوجده يسرق ادوات زميله فتركه وذهب لاهله وجد والده يسرق في عمله مالايستحق .. فترك السرقه وتعجب ان كل ذلك يوجد بين البشر .

وهو يسير وجد الليل قد حل المكان فقال لا جدوى من البشر الذين يعيشون في الصباح سابحث عن من يضايقوني في المساء .. سار في الطرقات فوجد مجموعه من الشباب يقفون في الطريق فقرر ان يستخدم معهم العديد من الاساليب لكي يكرههم في حياتهم وقف في وسطهم واخذ يسمع حديثهم فوجدهم يتحدثون عن ما يواجهونه في الصباح من عدم وجود عمل وكيفية احتياجهم للمال ولو لسد احتياجهم .. وكم من مال استنفذه اهاليهم لكي يتعلمو تعليم جيد كما ان منهم من يتحدث عن العمل الذي لا يكفي لاول يومين في الشهر وحبه لفتاه وعدم استطاعته الزواج منها .. الخ الخ والعديد من القصص المختلفه وفي نهاية حديثهم قرروا انهم لا يحبون الحياه ولا يريدون العيش فيها فاخذ واحد منهم سيارته وسار بسرعه مجنونه فهو ينتظر الموت وكذلك يريد ان يشعر بالفرحه ولو للحظه .. واخذ اخر ينطلق بما يسمى مكنه واخذ يسرع ايضا بشكل جنوني ... فتركهم العفريت ولقد دمعت عيناه من الاسى .. وقرر ان يعو مره اخرى تحت الارض وان يتركهم يزعجونه فهو لا مفر لهم في الحياه وحمد ربه حمدا كثيرا ان كل ما يضايقه هو انه يشعر بالازعاج لفترات